1997 онд 33 толгой болж мөхлийн ирмэгт тулаад байсан аргаль хонио бид хамгаалснаар 2017 онд 100 толгойд хүргэж өсгөлөө. Мөн Хөвсгөлийн Улаан тайгын УТХГ-ын хамгаалалтын захиргаа байгуулагдаад 5 жилийнхугацаанд хийсэн ажил, гарсан үр дүнг бид ард иргэдтэйгээ хуваалцлаа Энэхүү хэмжээнд БОАЖ-ын яамны сайдын зөвлөх Б.Өнөдэлгэрэх, Монгол экологи төвийн УЗГ, Амеркын зүүн бүсийн ТХГ-ын даргаар ажиллаж байсан АНУ-ын иргэн ноён Роберт Майкантош нар хүндэт зочдоор оролцлоо. Өдөрлөгийн арга хэмжээнд дараах ажлуудыг зохион байгууллаа.

1. Баярын хурал, Хайрлахаас аргагүй тайга минь хүндэтгэлийн тоглолт,

2. 33-с 100 хүрч өссөн аргаль хонийг төлөөлүүлж дархадын 33 цагаан морины жагсаал

3. Ажилчдын сэтгэлээр бүтсэн бүтээн байгуулалтын ажлууд /6 байшин/, 200-д ширхэг мод бут, 5 жилийн хугацаанд хийсэн ажлын үр дүнг харуулсан зурагт самбарууд, мөн өөрсдийн хүчээр цуглуулан бий болгож байгаа үзмэрийн зүйлсийг иргэдэд танилцуулж, сурталчиллаа. 

4. Олон нийтийн оролцоог хангах үүднээс жороо морь, хатиралттай морь, хос морьтон, Дархад үндэсний хувцас шалгаруулах тэмцээнийг зохион байгуллаа.

Энэхүү арга хэмжээг 1000-д хүн үзэж сонирхсон. Мөн Хөвсгөл аймгийн ЛХА ТВ-зурвалжиллаа. Арга хэмжээний үеэр хамгаалалтын захиргааны 5 албан хаагч байгаль орчны тэргүүний ажилтан, 2 албан хаагч БОАЖ-ын яамны жуух бичиг, 3 албан хаагчийг Хөвсгөл аймгийн хүндэт тэмдгээр шагнагдсаныг гардуулан өглөө.Ийнхүү  бидний ажлыг төр, засгаас үнэлсэнд бид маш их баяртай байна.

Арга хэмжээг дэмжиж хамтран ажилласан байгууллага, албан хаагчид, иргэддээ чин сэтгэлээсээ талархал илэрхийлье .