БОАЖ-ын яамны 30 жилийн ой, хорьдол-Сарьдагийн ДЦГ-ын 20 жилийн ой, хамгаалалтын захиргаа байгуулагдсаны 5 жилийн ойг тохиолдуулан Хөх сувд-2017 мөсний баярын үйл ажиллагаанд мөсөөр урлан бүтээж сурталчилгааны ажил зохион байгууллаа. 

Хөвсгөл аймгийн засаг даргын даалгавараар аймгийн байгаль орчин, аялал жуулчилалын байгууллагууд хамтран Хөгжсөн-Хөвсгөл мөсөн хотхоныг хамтран бүтээлээ. 

Хамгаалалтын захиргааны хувьд Улаан тайгын УТХГ-т тавтай морил гэсэн мөсөн хотхоныг өөрсдийн хүчээр байгуулж, Хорьдол-Сарьдагийн ДЦГ-ын 20 жилийн ой, хамгаалалтын захиргаа байгуулагдсаны 5 жилийн ой, Аргаль хонь өсч 100 хүрсний баярт мөчүүдээ ард түмэнтэйгээ хуваалцах зорилгын эхлэл болгон үр дүнгээ сурталчилах зорилгоор мөсөөр урлан бүтээлээ. 

Сурталчилгааны гэр ажиллуулж хамгаалалтын захиргааны 5 жилийн хугацаанд хийсэн ажил, хүрсэн үр дүнг гадаад, дотоодын 1000 гаруй иргэнд сурталчиллаа. 

БОАЖ-ын яамны 30 жилийн ой, Германы KFW төсөл, Монгол экологи төв, Эгч дүү парк Йосимити парк зэрэг дэмжин, хамтран ажилладаг хамт олноо мөсөөр төлөөлөн урлан бүтээж сурталчиллаа. 

Хатгал тосгоны нутгийн зөвлөл, Хатгал тосгоны захиргаатай хамтран Чаргатай морины уралдааныг амжилттай зохион байгуулав. Тахтай чарга морины давхиа уралдаанд хатгал тосгоны уяач Д.Эрдэнэбат, хатрилттай морины уралдаанд Ц.Гансүх нар түрүүлээ. 

Мөсний баярыг удирдан зохион байгуулж, хамтран оролцож, ивээн тэтгэсэн нийт хамт олон, оролцогч, аялагч, бүх хүмүүстээ чин сэтгэлээсээ баярлалаа. 

Хамгаалалтын захиргаа